Програма "Млади во акција", Акција 3.1

"Инфо фронт - Прилеп" зема активно учество во Акцијата 3.1 (дел од програмата "Млади во акција"), која опфаќа проекти во земјите на Европската Унија и во соседните партнерски земји, поточно младински размени, тренинзи и семинари во полето на млади.
Учесниците треба да бидат на возраст до 25 години и покриваат само 30% од патните трошоци.
Сите заинтересирани можат да се пријават и да добијаат подетални информации на infofrontprilep@gmail.com.

Facebook страна на Инфо фронт - Прилеп

Сите заинтересирани можат да се придружат на Facebook страната на Инфо фронт - Прилеп, каде што ќе бидат објавени сите нови проекти на кои ќе може да се аплицира.

http://www.facebook.com/infofrontprilep

Info front goes green

Инфо фронт - Прилеп започнува со кампањата "info front goes green" за подигнување на еко-свеста на младите. Преку оваа информативна кампања, ќе им биде посочена важноста на здрава животна средина на младите и воедно истите ќе бидат охрабрени да ги применуваат сите модерни мерки за нејзино зачувување. 

Повик за аплицирање за следниот рок за ЕВС

Почитувани,
ве известуваме дека доколку сакате да започнете со ЕВС проект од 01.01.2012, можете да аплицирате до новиот рок т.е. до 01.09.2011.

За повеќе детали, информации, template документи за CV и мотивационо писмо, бази на податоци и сл, исконтактирајте нè по е-пошта и телефон или посетете нè лично.

Со среќа!

Доделена акредитацијата за EVS - Sending Organisation

Втора самостојна изложба на фотографии „Смртоносна пролет“ на Кирил Каракаш

Инфо фронт - Прилеп ве поканува на втората самостојна изложба на фотографии „Смртоносна пролет“ на нашиот член Кирил Каракаш, која ќе се одржи во ликовниот салон при Домот на културата 'Марко Цепенков' - Прилеп (под Градска Библиотека). Отворањето e закажано на ден 16.04.2011 во 20:00 часот.
Изложбата ќе биде отворена до 20.04.2011.
Ве очекуваме !!!

Одржан првиот семинар за улична борба во Прилеп

Во неделата, на 20.03.2011, во спортската сала на ОУ 'Гоце Делчев' - Прилеп, се одржа првиот семинар за принципи и техники на уличната борба, организиран од ЦБВ 'МАКСАМ' - Прилеп.
Здружението на млади Инфо Фронт - Прилеп, како партнерска организација, го покриваше настанот.
Важноста на семинарот се состои од тоа што е прв од ваков тип во општина Прилеп и беше од отворен карактер, што значи право на учество имаа сите кои сакаа да учествуваат.
На истиот беа презентирани техниките и принципите на уличната борба, како на ниво на почетници, така и на ниво погодно за поискусни.
Преку инструкциите на лиценцираниот тренер Пеце Ангелески, беа претставени техники на правилно загревање, правилно држење на телото, самоконтрола и дисциплина, споредби и разлики меѓу уличната борба и останатите класични и модерни боречки вештини.
Посетителите имаа можност практично да ја испробаат теоријата во различни симулирани ситуации.
Семинарот беше посетен од млади од различни возрасти, како од момци, така и од девојки.