Одобрен е "Млади во Акција" 3.1 тренингот "After brainstorm comes sunshine"

На почетокот на овој месец, Извршната агенција EACEA (Education, Audiovisual and Culture Executive Agency) ги објави резултатите од септемврискиот рок за аплицирање на "Млади во Акција" 3.1 проекти.
Проектот "After brainstorm comes sunshine", предложен од Инфо фронт - Прилеп, кој ќе ги обработува темите на претприемништво, себепромовирање и активно учество на младите во општеството, беше одобрен од страна на Агенцијата и треба да се случи од 11- 18.03.2013 година.
Ќе бидат објавени и дополнителни детали околу темите, самите работилници и партнерите на проектот, а понатаму и материјалите и резултатите од истиот.
Се гледаме во март!

"Република Млади"

И официјално, Здружението на млади Инфо фронт - Прилеп е партнер во Коалицијата "Република Млади" - иницијатива за одбрана на младинското учство.
Република Млади ве повикува да се вклучите сите во креирање платформа за младинска демократија и во обезбедување учество и влијание на младите во одлучувањето на сите нивоа во државата.
Повеќе информации можете да најдете на официјалната страна на коалицијата:
http://republikamladi.mk/.

Доделена акредитацијата за ЕVS Sending, Hosting and Coordinating Organisation

Почеток на нов ЕВС проект

Од 01.10.2012 година започна ЕВС проектот "VOLUNTEERING AS A WAY OF ESTABLISHING A EUROPEAN CITIZENSHIP", со времетраење од една година, во кој учествува нашата волонтерка Александра Дунимаглоска.
Организација- домаќин е Народно читалиште "Братство 1869" од Ќустендил, Бугарија.
На Александра ѝ посакуваме прекрасни искуства и успешен проект.
Дел од тамошните локални и национални медиуми редовно ќе го покриваат овој проект кој вклучува активности и работилници во полето на култура, формална и неформална едукација на млади, информирање и сл.

http://dariknews.bg/view_article.php?article_id=972070

Успешно завршен уште еден ЕВС проект

Нашата ЕВС волонтерка Катерина Петреска успешно го заврши ЕВС проектот "Broadening Horizons through Work", во организацијата Nooruse Maja во Перну, Естонија.
Катерина се врати со премногу искуства, прекрасни моменти, доживувања и нови контакти и ќе биде на располагање за споделување на истите за сите идни потенцијални волонтери.
Станува збор за проект кој влкучува активности во полето на културно- уметничкиот живот во градот: организирање на потпроекти, разни официјални културни манифестации на локално ниво, голем број на работилници за млади, изработка на промотивни материјали за истите, промоција на својата култура и традиција и сл.
Проектот траеше од 01.02 - 01.10.2012 година.

360° Peace in Media

Од 01.09 - 09.09.2012 година, Здружението на млади Инфо фронт - Прилеп зеде активно учество на проектот 360° Peace in Media во Виланова и ла Гелтру, Барселона, Шпанија.
Станува збор за младински проект кој имаше за цел да го обработи присуството на мирот во медиумите на ниво на цела Европа.
Резултатот се одлични 24 фотографии и патувачка изложба, која треба да се случи во сите држави од кои имаше учесници. Инфо фронт - Прилеп има за задача да ја спроведи дисeминацијата на проектот и ја одржи изложбата во скоро време, според претходно утврдениот распоред. Датумот и местото ќе бидат дополнително објавени.

Повеќе информации на http://360peaceinmedia.blogspot.com.

Младинска размена “Creactión! Creative Solutions For Social Change”

Петчлен македонски тим од здружението на млади “Инфо фронт - Прилеп“ учествуваше на младинската размена “Creactión! Creative Solutions For Social Change” во Авилес, Шпанија, која беше организаирана од домаќините "Ye too ponese" и списанието за креативен активизам Mašta.
Од 07 до 14 февруари 2012, 30 млади луѓе од Шпанија, Италија, Македонија, Србија, Германија и Словенија, ги отворија актуелните проблематични теми и разменуваа идеи за креативен активизам и социјална промена. Освен теоријата позади креативниот активизам, учесниците имаа можност да ги поминат тие 8 дена во една креативна и интернационална заедница и со здружени сили и идеи да развијаат свои акции, кои ги реализира во градовите Авилес и Овиедо.
Уличните акции беа одлично прифатени од случајните минувачи т.е. од локалното население и нивната поддршка е за поздравување.
Ова е уште едно прекрасно искуство за “Инфо фронт - Прилеп“, базирано на старите контакти, кое резултира со многу нови.

https://www.mastazine.net/blog/international-masta-exchange-%E2%80%9Ccreaction-creative-solutions-social-change%E2%80%9D

Mašta - интернационално списание за креативен активизам

Mašta (од српски, хрватски- имагинација) е отворена платформа за креативност, слобода и акција.
Mašta е простор каде луѓето од целиот свет можат да ги инспирираат другите со своите иницијативи и акции.
Станува збор за интернационален колектив на новинари, уметници, истражувачи и креативци. Целта е да се истражи, провоцира, инспирира и да ги пронајде начините за промена.
Секој е добредојден и се охрабрува да придонесе со своите идеи, текстови и уметнички дела.

https://www.mastazine.net

Исконтактирајте нé за бесплатна дистрибуција на списанието.

Study session "Why not change prejudices into experiences"

Овој успешен проект се случуваше од 21 до 27 ноември 2011 во Младинскиот центар на Советот на Европа во Будимпешта.
30 млади луѓе, младински лидери од здруженија на млади од различни европски земји, дискутираа на тема предрасуди, стереотипи и како тие влијаат врз секојдневното живеење на младите и како да се надминат и како да се пронајдат нови начини за едукација на младите за надминување на истите, потоа, човекови права и едукација за човекови права, креативен активизам и запознавање со методите на креативно пишување на Loesje.

Здружението на млади "Инфо фронт - Прилеп" зеде активно учество во сите фази од проектот.

http://www.loesje.org/news/5104

Запознајте ја Луше // Meet Loesje

Здружението на млади “Инфо фронт - Прилеп“ и официјално стана македонска гранка на интернационалната организација "Loesje".

http://www.facebook.com/loesjemacedonia

Loesje (Луше) е меѓународна организација за слобода на говор, со цел да шири креативност, позитивна критика, идеи, размислувања за одредени настани преку кратки слогани и постери, потпишани од фиктивниот лик- Луше, девојка од Холандија.

За повеќе информации и за архивата на постери, посетете ја страната
www.loesje.org
http://www.facebook.com/loesjeint

Флеш моб “Заедно за училишта без насилство“ на УНИЦЕФ и Министерство за образование и наука

На 09 ноември 2011, за прв пат во Прилеп се случи јавен настан од ваков тип.
Здружението на млади “Инфо фронт - Прилеп“ како координатор за Прилеп имаше задача да ги извести, регрутира и спреми со претходно утврдената кореографија учениците од основните и средните училишта од Прилеп за самиот настан.
Припремите се одвиваа скоро без проблем и им се заблагодаруваме на сите институции за разбирањето и соработката.
Огромно БРАВО и благодарност до учениците, бидејќи без нивното учество немаше да го постигнеме посакуваниот ефект.
Локалните медиуми, исто така, се погрижија овој настан да не остане незабележан.
Беа користени многу методи на социјална анимација на случајните минувачи, сé со цел да се привлече нивното внимание и да се пренесе пораката на проектот.
Над 100 ученици се движеа низ кореографијата како еден. Беше одлична слика и нешто сосема ново.

Посета за планирање во Младинскиот центар на Советот на Европа во Будимпешта

Од 02 до 05 октомври 2011, во Младинскиот центар на Советот на Европа во Будимпешта, се случи посетата за планирање на тимот за подготовка на проектот- study session- "Why not change prejudices into experiences", на иницијатива на интернационалната организација Loesje.
http://www.coe.int/t/dg4/eycb/pastnews.asp
На оваа посета, интернационалниот тим за подготовка, во кој беше и потпретседателот Јорданоски, ги оформи сесиите и работилниците и ги одреди деталите за истите, кои требаше да се случат во рамките на самиот проект.

Нови ажурирања

Во продолжение ќе следуваат ажурирањата за сите изминати проекти, во кои “Инфо фронт - Прилеп“ зеде активно учество. Истите не беа претходно објавени од оправдани причини.

Конкурс за едноминутно видео на тема "Заедно за училишта без насилство".

Имаш ли нешто да кажеш за создавање на училишта без насилство?
Имаш ли приказна што сакаш да ја споделиш за некој или за група луѓе од твојата училишна заедница – наставник, член на училишниот персонал, ученик, родител или граѓанин од локалната заедница - што здружено работат за во твоето училиште да нема насилство?
Имаш ли визија за тоа како би изгледале училишта без насилство?

Имаш ли нешто да кажеш за тоа што ти може да направиш за во твоето училиште да нема насилство?

Ако твојот одговор е потврден, и ако имаш помалку од 18 години, тогаш сакаме да ги видиме твоите идеи и приказни во форма на видео.

Изработи видео и испрати го на нашиот Конкурс за едноминутно видео на тема "Заедно за училишта без насилство".

За повеќе, види
http://www.beznasilstvo.mk/index.php?option=com_content&view=article&id=93&Itemid=157&lang=mk

Започнува кампањата "ЗАЕДНО ЗА УЧИЛИШТА БЕЗ НАСИЛСТВО" во Прилеп

• 

  Никој нема толку голема моќ да предизвика промена како што имаат младите луѓе кога заедно прават нешто. Затоа приклучи се и ти кон децата што пеат и играат заедно во хармонија. Стани едно од илјадниците деца во нашата земја што го дига гласот и игра заедно со другите за училишта без насилство.
  
  Од сега до крајот на ноември 2011 година деца како тебе ќе ја прошират веста по улиците на Скопје, Куманово, Тетово, Гостивар, Кочани, Штип, Радовиш, Струга, Кичево, Охрид, Битола, Струмица, Гевгелија, Кавадарци, Велес и Прилеп.
  

  Можеш да бидеш дел од позитивната промена, можеш да бидеш дел од големиот флеш-моб.
  
  Инфо фронт - Прилеп како партнерска организација на УНИЦЕФ, CiD и CreActive ќе организира подготовка за тебе и за другите деца за да ги научите чекорите на кореографијата.
  
  Очекувајте нé во вашите училишта!

Програма "Млади во акција", Акција 3.1

"Инфо фронт - Прилеп" зема активно учество во Акцијата 3.1 (дел од програмата "Млади во акција"), која опфаќа проекти во земјите на Европската Унија и во соседните партнерски земји, поточно младински размени, тренинзи и семинари во полето на млади.
Учесниците треба да бидат на возраст до 25 години и покриваат само 30% од патните трошоци.
Сите заинтересирани можат да се пријават и да добијаат подетални информации на infofrontprilep@gmail.com.

Facebook страна на Инфо фронт - Прилеп

Сите заинтересирани можат да се придружат на Facebook страната на Инфо фронт - Прилеп, каде што ќе бидат објавени сите нови проекти на кои ќе може да се аплицира.

http://www.facebook.com/infofrontprilep

Info front goes green

Инфо фронт - Прилеп започнува со кампањата "info front goes green" за подигнување на еко-свеста на младите. Преку оваа информативна кампања, ќе им биде посочена важноста на здрава животна средина на младите и воедно истите ќе бидат охрабрени да ги применуваат сите модерни мерки за нејзино зачувување. 

Повик за аплицирање за следниот рок за ЕВС

Почитувани,
ве известуваме дека доколку сакате да започнете со ЕВС проект од 01.01.2012, можете да аплицирате до новиот рок т.е. до 01.09.2011.

За повеќе детали, информации, template документи за CV и мотивационо писмо, бази на податоци и сл, исконтактирајте нè по е-пошта и телефон или посетете нè лично.

Со среќа!

Доделена акредитацијата за EVS - Sending Organisation